Danjire Cawil Oo Madaxweynaha Ugu Baaqay Midaynta Shacabka, Cirro-Na U Soo Jeediyay Inuu Natiijadii Doorashada Aqblo.
Gebo Gebo News

January 27th, 2018
Danjire Cawil Oo Madaxweynaha Ugu Baaqay Midaynta Shacabka, Cirro-Na U Soo Jeediyay Inuu Natiijadii Doorashada Aqblo.

 

 

Amb Cawil ayaa talooyin u diray madaxweynaha somaliland iyo gudoomiyaha xisbiga mucaaridka ah ee Waddani. Amb Cawil ayaa ugu horayn hadalkiisa ku bilaabay aragtida uu ka qabo talaabadii ay ciidamada somaliland kula wareegeen Tukaraq waxaanu yidhi “Dawlad kasta oo somaliland ka dhisan waajib ayaa ka saaran inay xuduudeeda sugto, tan imika ee Tukaraq-na dalkeenii ayeynu ku jirnaa oo meel aan maamulkeenu gaadhin ayey ciidankeenu imika gaadheen, xuduudana waa la sugi doonaa waana hubaal taasi.” Ayuu yidhi Amb Cawil oo u waramay HCTV.

 

 

Amb Cawil ayaa talooyin muhiim ah u diray madaxweyne Muuse Biixi Cabdi waxaanu yidhi “Waxaan ugu baaqayaa madaxweynaha inuu wax walba ka horaysiiyo cadaalada iyo sinaanta, jiritaanka umadana gacanta ku hayo, dawladnimada hubka lagu wadaa maaha qoryo iyo taangiyo balse waa fulaynimo, waana in cidii wax tabanaysa uu madaxweynuhu guryahooda ugu tago oo ka bogsiiyo waxyaabaha ay ka cabanayaan oo albaabkiisu u furnaado oo beelaha uu is leeyahay dareen fog ayaa yaala uu u tago taasina ay noqoto mid uu caadaysto.”

 

 

 

 

 

Amb Cawil ayaa ka waramay doorashadii madaxtooyada somaliland ka dhacday sanadkii 2003 iyo waxyaabihii uu ka faa,iiday Axmed Siilaanyo oo wakhtigaas ahaa murashaxii Kulmiye ee lagaga guulaystay codadka tirada yar waxaanu yidhi “Masuuliyad ayaa saaran gudoomiyaha Waddani Cabdiraxmaan Cirro waana laga guulaystay, Doorashadii 2003 murashaxii Axmed Siilaanyo waxa uu Daahir Rayaale kaga helay 80 cod, Axmed Siilaanyana waxa uu geesinimo u yeeshay inuu yidhaahdo waa layga helay oo uu ogolaado 80-kaa cod, qofka shakhsiga ahi waa inuu ku xisaabtamaa in marka laga guulaysto uu aqbalo, taasina waxay keenaysaa inay dadku ku kalsoonaadaan, Axmed Siilaanyana barigaas kalsooni xoog leh ayuu ka helay inuu noqday murashax 80 cod lagaga helay oo si sharaf leh u aqbalay, xitaa beeshii uu ka soo jeeday ee bariga Burco ayaa sharaf ka heshay waayo beeshaas wadatay Suldaan, siyaasi iyo ganacsato ka hadhay may jirin, waana qiimeyn keentay kalsooni sababtay in Axmed Siilaanyo mar dambe madaxweyne ka noqdo dalka iyo dadkeena oo ka daalay siyaasad buuq ku dhisan kuna farxay in murashaxii 80-kaa cod aqbalay beeshiisiina ku garab gashay oo aanu qof kaliya hadal.”

 

 

 

 

 

 

Amb Cawil ayaa murashax Cirro ugu baaqay inuu beeshiisa iyo taageerayaashiisaba u sheego in laga guulaystay waxaanu yidhi “Maanta 80,000 cod ayaa lagaga helay Cabdiraxmaan Cirro, waana inuu beeshiisa iyo taageerayaashiiba u sheegaa waa layga helay oo geesinimadaas Siilaanyo yeeshay mid la mid ah yeeshaa oo aanu odhan sidan uu imika u hadlayo ee uu leeyahay Waan Amaahiyey, siyaasaduna maanta maahee barina way jirtaa.”

 

 

 

 

 

Amb Cawil ayaa soo bandhigay natiijada uu Cabdiraxmaan Cirro la kulmi doono haddii aanu aqbalin natiijadii doorashada Waxaanu Yidhi “Wuu ogolaaday murashaxii Faysal, haddii uu Cabdiraxmaan Cirro ogolaan waayo oo uu wali ka hadlayo, taageerayaashiisii iyo odayaashii iyo beeshiina ka hadlayso waxa iman doonta inaanu mar dambe dalka waxba ka noqon.” Ayuu yidhi Ambassor Xuseen Cali Ducaale (Cawil).

 

 

 

                   



               

 

 

 

 

Halkan Hoose Ka Daawo Muqaalka  Waraysigani Oo Dhamays Tiran.

 

 

 

228 Views




Features

  • Sidee Ayay Dalalka ula Dhaqmaan Dadka Ka Soo Goosta Daacish?
  • Daawo:Badhasaabka Gobalka Maroodijeex Oo Maanta  Hargeysa Ka Ambabixiyay 431 Arday Ee Ku Guulaystay Barnamijka  Shaqo Qaran.
  • Daawo:Xukuumada Somaliland Oo Si Adag Ugu Jawaabtay Hadlo ka Soo yeedhay Madaxwaynaha Maamul Gobaleedka Puntilnad.
  • Daawo:Madaxwaynaha Somaliland Muuse Biixi Cabdi Oo Socod Lug Ah Kaga Baxay Madaxtooyada Somaliland +Halka Uu Ku Sii Jeedo
  • Shaqaalihii Dawladda Oo Mushaharkii Laga Handaraabay Iyo Xukuumadda Oo Tahlikari weydey Bixinta  Mushaharaadkii.
  • Saddex Shuruudood Oo Dawlada Kenya Ku Xidhay Soo Celinta Xidhiidhka Soomaaliya
  • Daawo “Udul Qaadan Mayno Inay Caayan Madaxweyaheena Muuse Biixi   Kurayda Yar Yar Ee Beenta Iyo Cayda Lagusoo Dalacsiiyay Ee Xibiga Wadani
  • Wasiir Faratoon Oo Ka Hadlay Xoggo ku Saabsan In Dawladda Ruushku Saldhig Millatari Ka Samaysanayso Xeebaha Somaliland.
  • Daawo:Gudoomiyaha Degmada Qoryaale Oo Ka Hadlay Xaalad Biyo La’aaned Oo Ka Jirta Degmadaasi.
  • Daawo:Maamulka Gobolka Togdheer Oo Magaalada BURCO Ka Ambabixiyey Ardayda Ku Guulaysatay Barnaamijka Shaqo Qaran.
  • Daawo:Ex Madaxweyne Silaanyo Oo Maanta Si Diiran Loogu Soo Dhaweeyey Dalka.
  • Somaliland Oo Jawaab Kulul Ka Bixisay Hadal Ka Soo Yeedhay Wasiir Ka Tirsan Xukuumada Somaliya.
  • Xaaladda Ay Ku Sugan Yihiin 4 Kamid Ah Maal-Qabeenadii Sucudiga Ahaa Ee Loo Xidhay Musuq Maasuqa.
  • Xisbiyada Mucaaradka Somaliland Oo Ka Digay Ku Xad Gudubka Xoriyatul-qawlka.
  • Dawlada Kenya Oo U yeedhay Safiirkeedi Muqdisho, kuna Amartay Safiirka Somaliya Inuu Ka baxo Dalkeeda.
More FEATURES