Dulucda Waraaq Garnaqsi ah oo Madaxweynaha Somaliland u Kala Diray Goleyaasha Caalamka iyo Dalalka Waaweyn.
Gebo Gebo News

March 12th, 2018
Dulucda Waraaq Garnaqsi ah oo Madaxweynaha Somaliland u Kala Diray Goleyaasha Caalamka iyo Dalalka Waaweyn.

Hargeysa(Gebogebonews)- Madaxweynaha Jamhuuriyadda Somaliland Md. Muuse Biixi Cabdi, ayaa waraaq u kala diray beesha caalamka, qoraalkaas oo uu ku caddeeyey inay qaddiyada Somaliland tahay mid muqadas ah oo aanay cidna u dabo fadhiisanaynin qaranimadaiyo madax-bannaanida dalkeeda.
 
Sida ay ku warantay wakaaladda wararka Somaliland ee SOLNA, waxa madaxweynaha Somaliland Md. Muuse Biixi Cabdi uu shalay qoraal rasmi ah u kala diray urur goboleedka IGAD, Qarammada Midoobayee UN-ka, Ururka Jaamacada Carabta ee [Arab League], Ururka Midawga Afrika ee [AU], Midawga Yurub ee [EU], boqortooyada Ingiriiska (UK), Dawladaha Maraykanka iyo Denmark.
 
 
Madaxweynaha Somaliland Md. Muuse Biixi wuxuu waraaqaha uu u kala diray beesha caalamka uu ku nuuxnuuxsaday in qaranimadda Somaliland ay ku timid rabitaan shacbi oo ummadda reer Somaliland madax-bannaanidoodii ay kala soo noqdeen Soomaaliya sannadkii 1991kii.
 
Waraaqda qoraalka ah ee madaxweynaha Jamhuuriyadda Somaliland u diray ururrada iyo goleyaasha caalamka ayaa jawaab waafiya u ah hadalladii ka soo yeedhay dawladda Muqdisho ka talisa ee ay kaga hadlayeen heshiiska saddex geesoodka ah ee dhex maray Somaliland, DP World iyo Dawladda Itoobiya, kaas oo ahaa heshiismaalgashi.
 
Madaxweynuhu waxa uu u sheegay dawladaha iyo ururada ay ku socoto warqadaasi in hadalka ka soo yeedhay Soomaaliya aanu ahayn mid ku saabsan heshiiska DP World, balse uu yahay mid duulaan ku ah madax-bannaanida Jamhuuriyadda Somaliland, waxaanu wacad ku maray in dawladda Somaliland iyo shacbigeeduba aanay marnaba u dulqaadanayn, hadallo deel qaafa iyo gardaro caddaana oo kaga yimaada dawladda itaalka daran ee Muqdisho.
 
Madaxweyne Muuse Biixi Cabdi wuxuu waraaqdaas ku iftiimiyey in aanay ka noqosho lahayn gooni isu-taagga Somaliland isla markaana heshiisyada ay gelaysaana yihiin kuwo aan ka noqosho lahayn, Soomaaliyana aanay wakhti iskaga lumin arrimaha Somaliland ee ay daneheeda ka raacato.
 
Madaxweynaha Somaliland wuxuu ugu dambayn Soomaaliya ku booriyey inay ka waantoobaan dhaqanka xiqdiga iyo xasadka ah ee ay Somaliland u muujiyaan mar kasta oo Somaliland horumar ku talaabsato.
Gebogebonews.com
Gebogebonews@gmail.com
Sources:- SOLNA
92 Views




Features

  • Dawladda Somaliland Oo Shirkadaha Kalluumaysi Ee Shiinaha Uga Digtay In Ruqsada Ay Dawladda Soomaaliya Siisay Ula Soo Talaabaan Biyaha Somaliland.
  • Xukumada Somaliland Oo Ruqsadii Isgaadhsiinta Kala Noqotey Laba Shirkadood.
  • Daawo:Tirada Dad Ugeeriyooday Xanuunka Gawracatada Oo Ka Dilaacay Gobolka Saraar Iyo Masuulinta Gobalkaasi Oo Ka Hadlay.
  • Daawo:Madaxweyne Biixi Oo Masuliyinta Gudida Qandaraasyada Qaranka Ku Tilmaamay Masuuliyin Ka Dhabeeyeen Himiladii Qaranku Lahaa.
  • Daawo:Khudbad Sanadeedkii Madaxweyne Muuse Biixi Ka Hor Jeediyey Golaha Baarlamaanka.
  • Madaxweyne Biixi Oo Maamulka Puntland Ku Eedeeyay Inay Ciidammo Falal Amni Darro Ah Wada Soo Geliyeen Gudaha Somaliland.
  • Daawo:Isuduwaha Wasaarada Caafimadka Togdheer Oo Sharaxay Muhiimada Uu Leeyahay Mashruuc Kor Loogu Qaadayo Caafimaadka Hooyada Iyo Dhalaanka Oo Burco Lagu Daah Furay.
  • Daawo:Barnaamij Koob Saday Waxqabadka Gudida Qandaraasyada Qaranka + Ganacsatada Oo Heshay Goob Ay Si-Cadaalada Ugu Tartamaan.
  • Hoggaamiye Xirsi Cali Xaaji Xasan Oo Si Adag U Dhaliilay Dhismaha Jidka Berbera Corridor Ee Dhawaan La Dhagax Dhigay.
  • Dawlada Kenya Oo U yeedhay Safiirkeedi Muqdisho, kuna Amartay Safiirka Somaliya Inuu Ka baxo Dalkeeda.
  • Saddex Masuul Oo Xilal Wasiirnimo Ka Soo Qabtay Xukuumadii Siilaanyo Oo Muqdisho Ka Degay.
  • Somaliland Oo Cadaysay Mawqifkeeda Ku Aadan Dawlaha UK iyo Ruushka Oo Doonaya Inay Saldhigyo Milatari Ka Samaystaan Berbera.
  • Shirkada Dp World Oo Ka Noqotay Heshiiskii Ay Ku Maalgelinaysay Dekedda Magaalada Berbera Iyo Itoobiya Oo Caqabad Ku Noqotay Somaliland.
  • Daawo:Siyaasi Ka Tirsan Kulmiye Oo Madaxweyne Biixi Ku Eedeyey Inuu Burburinayo Xisbiga Kulmiye Fashilyey-na Siro.
  • Dawladda Maraykanka Oo War Cusub Ka Soo Saarey Qadiyada Madaxbanaanida Somaliland.
More FEATURES