Madaxweynaha Somaliland Oo Safar Deg Deg Ah Imaaradka Ugu Baxaya Iyo Farmaajo Oo Isna Safar Ugu Baxaya Qatar.
Gebo Gebo News




March 13th, 2018
Madaxweynaha Somaliland Oo Safar Deg Deg Ah Imaaradka Ugu Baxaya Iyo Farmaajo Oo Isna Safar Ugu Baxaya Qatar.

Hargeysa(Gebogebonews)-Madaxweynaha Jamhuuriyadda Somaliland Mudane Muuse Biixi Cabdi ayaa socdaalkiisii u horeeyay ku tagaya Waddanka Isu Tagga Imaaraadka Carabta oo uu marti qaad ka helay. Socdaalka madaxweyne Muuse waxa uu imanaya xilli xukumadda Muqdisho tushuush ku furtay heshiiska Somaliland, Imaaraadka iyo Itoobiya ka gaadheen horumarinta dekedda Berbera.

 

 

Socdaalka Madaxweyne Muuse waxa ku gadaaman tuhunno siyaasadeed maaddaama mandaqada Geeska Afrika ay hadhaysay arrinta shirkadda Dp World todobaadadii u dambeeyay.

 

 

Madaxweyne Biixi, oo aan saxaafadda la hadal markii uu dhoofiyay, ayaa waxa safarkaasi ku wehelinayay shan wasiir oo kala ah, wasiirrada arrimaha dibedda, Qorshaynta, Ciyaaraha, Arrimaha Distoorka iyo Biyaha; iyo sidoo kale, guddoomiyaha Xisbiga Mucaaradka ah ee UCID, Eng. Faysal Cali Waraabe.

Baarlamaanka Soomaaliya ayaa shalay sheegay in ay dalkooda ka mamnuuceen Dp World oo ka hawlgasha dekedo ku yaalla Puntland iyo Jubaland waxaanay ka cadhoodeen heshiiska dekedda Berbera.

 

 

Dawladda Jabuuti ayaa Iyana dabayaaqadii bishii hore eriday Dp World iyada oo la rumaysan yahay in ay ka hinaastay horumarinta dekedda Berbera.

 

 

Sidoo kale waxa la filaya in todobaadkan madaxweynaha Soomaaliya Maxamed Cabdillaahi Farmaajo socdaal ku taggo Waddanka Qadar.

 

 

Warbaahinta maxalliga ah ee Soomaaliya ayaa maalmihii u dambeeyay ka faalloonayay socdaal uu Farmaajo ku tagayo Dooxa oo ay ku weheliyaan wasiirro door ah. Socdaalkan ku soo beegmay xilliga kala guurka ah ayay warbaahinta Soomaaliya ku warramaysay in uu suuro gal ka dhigi karo in Farmaajo dhanka Qadar u janjeedhsado kana tanaasulo mawqifkiisa dhexdhexaadnimo ee Khaliijka Carabta.

 

 

 

Dawladdaha Qadar iyo Imaaraadka waxa muddooyinkii u dambeeyay ka dhexeeyay xafiiltan xooggan oo dhanka siyaasadda ah taas oo sababtay in Qadar la gadoomiyo. Khilaafka Carabta ayaa u muuqda mid Geeska Afrika ku soo fiday oo waddamo Afrika ah sida Somaliland iyo Somalia la kala safanayaan labada dhinac.

 

Hoos Ka Daawo Muqaalka Warka Madaxweyne Bixi Ee Safar Imaaradka.

 

 

 

 

Gebogebonews.com

Gebogebonews@gmail.com

Features

  • Daawo:Mid Ka midaa Beelihii Ku Dagaalamayay Ceel-afweyn Oo Xabad-joojin Ku Dhawaaqay,Madaxweyne Biixiina Ka Codsaday In Xorriyadiisa U Soo Celiyo Boqor Buurmadow.
  • Xukuumadda Somaliland Oo Shaacisay Wakhtiga Ay Itoobiya Bilaabayso Dhismaha Jidka Berbera Iyo Wajaale.
  • Wasiiradda Shaqo-gelinta Iyo Arrimaha Bulshada Oo Bilawday Quudinta Dadka Maskaxda Ka Xanuunsanaya Iyo Derbi Jiifka.
  • Daawo:Mujaahid Aadan Ciise Oo Dhaalilo Ujeediyey Xildhibaano Uu Sheegey Inay Colaad Ka Hurinayaan Berbera,Kana Hadlay Diyaar Garaw La’aan Ka Jirta Xuska 18 May Ee Burco.
  • “Boqorka Waxaa Loo Xidhay Muran Ka Dhaxeeya Kulmiye Dhexdiisa” Gudoomiye Ciro Oo Si Kulul Uga Hadlay Xadhiga Boqor Buurmadaw.
  • Daawo:-Ex Wasiir Cali Mareexaan Oo Muddo Ka Dib Warbaahinta Ka Soo Muuqdey ,Weerarayna Madaxda Maamulka Xamar.
  • Daawo:-Madaxweyne Muuse Biixi Oo Ka Dhawaajiyey In Lagu Taageero Xukuumada Uu Soo Dhiso,Laguna Samro Qalinkiisa.
  • Daawo:-Siyaasi Cabdilaahi Yuusuf Ka Oo Hadlay Ujeedada Udarnaa Socdaal Uu Ku Tegay Degmooyinka Gebogebo Iyo Faqa-ayuub,Sikululna Udhaliilay Siyaasada Ay Xisbiyada Mucaaradku Ku Ololaynaayan.
  • Daawo:-Madaxweyne Silaanyo Ka Jawaabay Eedaymaha Uga Yimaada Xisbiyada Mucaaradka,Dadweynaha Reer Somaliland-na Ugu Baaqay Inay Dorashada Udiyaargarooban.
  • Daawo:-Siyaasi Muuse Askar Oo Xisbiyada Mucaaradka Ku Eedeyey In Ay Kaadhadhka Codbixintu Iibsaayaan Baaq Nabadeed-na U Diiray Beelaha Dirirtu Ku Dhexmartay  Degaanka Dararweyne.
  • Daawo:-“Musharaxaanu Wadnaa Wuxuu La Fagaare Yimid Sidii ictiraafka Loo Heli Lahaa Iyo Sidii Uu Wadankeena Ugu Ilaahinlaa Cadawga “Xildhibaan Obama.
  • Daawo:-Jilayaasha Caanka Ee Sooraan iyo Jawaan Oo Soo Saaray Riwaayad Qosol Badan Iyo Fariinta Ay Xanbaarsantahay Riwaayadu.
  • Daawo:-Samafale Coldoon Oo Xabsiga Burco Kusoo Bandhigey Nin Mudo Badan Ku Xidhnaa, Baaq Uu Bulshada Udirey Iyo Xog-waranka Maxbuuska.
  • Daawo:-“Wasiirku Gurmad Weynbuu Soo Geystay  Waanu Uga Mahad Naqaynaa Wasiir Cali Mareexan Diyaarada Daawada Ee Uu Nasoo Gaadhsiiyey” Wasiir Xaglo Toosiye Oo Raali Gelin Ka Bixiwey War Si Khaldan Uga Baxay.
  • Xisbiga KULMIYE Oo Ka Gaabsaday Inuu Faah-faahin Ka Bixiyo Kulan La Sheegay Inuu Dhexmaray Muuse Biixi Iyo Madaxwayne Farmaajo.
  • Madaxtooyada Somaliland Oo Lacagtii Ugu Badnayd Ku Bixisay Munaasibad Hotelka Marwada Madaxweyne Siilaanyo Ka Dhacay+Madaxweyne Silaanyo Oo Aan Waxba Kala Sucon Musuqa Ay Marwadiisu Ku Kacday.
More FEATURES