Xog Cusub: Ma Agaasime Guud Mise isku Eekaysiin Wasiir Xaashi iyo Xirsigii Chief of Cabinet-ka
Gebo Gebo News

May 7th, 2018
Xog Cusub: Ma Agaasime Guud Mise isku Eekaysiin Wasiir Xaashi iyo Xirsigii Chief of Cabinet-ka

Shalay waxa aan dhegeystay muuqaal uu ka hadlayey agaasimaha guud ee madaxtooyada Somaliland, Maxamed Cali Bile, kaas oo ka hadlayey qorshe iyo shir ay yeesheen Shaqaalaha madaxtooyadu balse uu isagu ku sheegay Agaasimeyaal daba gelaya waxa ay qabtaan wasiirada ama wasaaradaha madaxweynuhu magacaabay, taasi oo aniga shaki I gelisay runtii jeclaystayna in aan maqaal ka qore si dadku ila arkaan madaxweynuhu u ogaado in uu maray wado hore shacbigu uga qayliyeen oo aan anigu islahaaba malaha madaxweynuhu tallaabooyinkaasi oo kale qaadi maayo oo waa nin dalka iyo dadkaba wax badan xogogaal uga ah.

 

Hadaan intaa ka dhigo arar iyo hordhac kooban waxa aan uga dan leeyahay maqaalkaygan maxaynu isbedel uga baahnayn, hadiiba ay tani jirto oo madaxweynihii oo jooga uu agaasime guud oo weliba ay isku beel yihiin uu leeyahay wasaaraddaaha ayaan dabagal ku samaynayaa oo masuul dhan oo qaranka u dhaartay oo madaxweyne magacaabay ayaan u dirayaa shaqaale hoosaad aan wasaarad ku tiirsanayn oo shaqo aan sharci iyo nidaam dastuuriya loogu igmani uu qabto shaqo loogu talo galay wasaarada qorshaynta iyo hanti dhawraha guud oo aan anigu u arko inay shaqadooda tahay inay ku daba galaan ama ku ilaaliyaan hawlaha ay wasaaradu u hayaan qaranka iyo shacbigaba, balse ma garan halka uu ina cali bile ka soo galay iyo awoodaha uu u leeyahay arrintaasi, ma waxa uu ina leeyahay madaxweynahaan shaqadiisa gudan Karin sidii horeba u dhacday mise madaxweynahaa u igmaday oo isagaan xusin mise wax ummadda laga qarinayo ayaa jira oo madaxweyneyaashu ay u adeegsadaan dadkan awooda gaarka ah la soo baxa marka madaxweynuhu kursiga fuulo mise waxaan lagu kalsoonayn wasaaradahan dadka loo magacaabay ee waliba madaxweynaha hortiisa lagu dhaariyey, akhristayaasha ayaan u dhaafayaa su’aashaasi.

 

 

Midna waa iga hogo tusaalayn iyo dareen aan idin la wadaagayo, waana mid iswaydiinteeda leh in qofwalba jawaab u helo, waxa aynu ogayn markii dawladii silaanyo dhalatay in madaxweyne silaanyo magacaabay chief of cabinet kaasi oo muran badan dhaliyey loona magacaabay xirsi gab oo dadka ka qayli siiyey ilaa looga yeedhay barlamaanka oo wax laga waydiiyey awoodaha uu isticmaalayo halka uu ka keenay iyo in uu sharxo waxa uu yahay xilkan laftiisu iyo shaqada uu qabto, taasi oo aanan doonayn in aan ku sii dheeraado waa la ogaa halkii uu ku danbeeyey oo ahayd in maaro iyo jawaab loo waayey xirsina madaxweynaha ka dalbaday in uu wasiir buuxa ka dhigo oo uu sharci u maro awoodiisa, waanay u rumawday, balse ku darso meel ayey is kaga mid ka yihiin oo maanta waxa la baabiiyey wasaaradii madaxtooyada agaasime guudbaana ka shaqeeya.

 

 

 

 

Hadal gundhigii maxaa lagu haystay maxamuud xaashi sow may ahayn madaxtooyadii ayuu ka buuxiyey dad aan ehel u ahayn inay qasriga ka shaqeeyaan oo ka batay intii tiro ahaan loogu talogalay, bal aynu eegno ina bilena inta uu soo kordhiyo imika agaasime miidhan ayuu magacaabaye.

Subeer Xasan

146 Views




Features

  • Daawo: Maayirki Hore Laascaanood Oo Ka Hadlay Cashuro Dheeriya Oo Shacabka Laguso Rogay
  • Madaxweyne Biixi Oo Qaabilay Muwaadin Hindisay Astaanta Qaranka Somaliland Oo Ka Samaysayn Bir.
  • Daawo:Gudoomiyaha Xisbigsa Ucid Oo Sheegay In Somaliland Ay Waan-Waan La Gelayso Jabhadda Kornayl Caarre, Kuna Baaqay In La Kala Diro Golleyaasha Deegaanka.
  • “ Xukuumadda Muuse Biixi Waxa Ay Leedahay Khaatumo Iyo Cali Khaliif Uma Baahnin, Waxa Ay Leedahay Awdal Iyo Saami-Qaybsigeeda Uma Baahnin ” Guddoomiye Cirro.
  • Daawo:Dhibane La Ildaran Xanuun Hayey Mudo 10 Sano Ah Oo Umad Islamkaa Ka Codsaday Inay Soo Caawiyaan.
  • Somaliland Oo Cadaysay Mawqifkeeda Ku Aadan Dawlaha UK iyo Ruushka Oo Doonaya Inay Saldhigyo Milatari Ka Samaystaan Berbera.
  • Shirkada Dp World Oo Ka Noqotay Heshiiskii Ay Ku Maalgelinaysay Dekedda Magaalada Berbera Iyo Itoobiya Oo Caqabad Ku Noqotay Somaliland.
  • Daawo:Siyaasi Ka Tirsan Kulmiye Oo Madaxweyne Biixi Ku Eedeyey Inuu Burburinayo Xisbiga Kulmiye Fashilyey-na Siro.
  • Dawladda Maraykanka Oo War Cusub Ka Soo Saarey Qadiyada Madaxbanaanida Somaliland.
  • Daawo:Wasiir Hinda Gaani Oo Si Kulul Uga Jawaabtay Hadlo Gudoomiyaha Xisbiga Ucid Ku Weeraray Xukumada.
  • Daawo:Siyaasi Tiir Dhexaad U Ahaa Xisbiga Waddani Oo Iscasilay Dhaliilana Ujeediyey Gudoomiye Ciro.
  • Daawo: ” Madaxweynuhu Wuu Ku Fashilmay Shaqadii Loo DoortaySiyaasi Ramaax Oo Dhaliilo Ujeediyey Madaxweyne Muuse Biixi.
  • Daawo:Gudida Guud Ee Beelaha Habar-jeclo Oo Iclaamiyey  Shirweyne  + Goorta Iyo Goobta Shirku Ka Dhacayo.
  • FAALLO: Xukuumadii Dhuuni-Raac Ama Xukuumadii La-Dheefsado Dhankeeba La Saadaalin inay Dawlada Muuse Biixi Ku Danbayso.
  • Madaxweyne Biixi Oo Ku Gacansaydhay Qorshe Uu Ula Yimid Wasiir Maxamed Kaahin + Xiisad Car Iyo Wira Oo  Ka Taagan Madaxtooyada.
More FEATURES