Qaramada Midoobay oo Hanjabaad Ku Saabsan Dagaalka Tukaraq U Soo Dirtey Somaliland
Gebo Gebo News

May 23rd, 2018
Qaramada Midoobay oo Hanjabaad Ku Saabsan Dagaalka Tukaraq U Soo Dirtey Somaliland

Hargaysa(Gebogebonews)-Ergayga Qaramada Midoobay ee Somaliland iyo Soomaaliya danjire Michael Keating, ayaa dawladda Somaliland iyo maamul goboleedka Soomaaliya ee Puntland, u soo diray warqad uu kaga dalbanayo in dagaalka la joojiyo islamarkaana la bilaabo wada hadal siyaasadeed oo lagu bedelayo dagaalkii dhawaan qarxay.

 

Sida ay Geeska Afrika u sheegeen ilo diblomaasiyadeed, danjire Keating ayaa dhambaalkan soo gaadhsiiyay Somaliland iyo Puntland toddobaadkan, waxaanu dawladda Somaliland iyo maamulka Puntland kaga codsaday inay si deg deg ah u bilaabaan wada hadal, si loo baajiyo in dagaal dambe dhaco.

 

 

 



 

 

 

Sida ay xogahani sheegeen wuxuu danjire Keating Somaliland iyo Puntland ku wargeliyay go’aan uu sheegay inay Qaramada Midoobay gaadhay oo ah in laga joojin doono mucaawooyinka iyo weliba la macaamilkaba haddii ay joojin waayaan dagaalka islamarkaana bilaabi waayaan wada hadalo.

Xogo kale ayaa iyaguna sheegay inaanay dawladda Somaliland weli ka jawaabin qoraalka danjiraha Qaramada Midoobay oo ah mid aan saxaafadda loogu tallo gelin, waxase la filayaa inay si deg deg ah uga jawaabto.

Geesta kale, warar aan la xaqiijin Karin ayaa Geeska Afrika u sheegay in danjire Keating uu Somaliland iyo Puntland kala noqday niyad jab, ka dib markii ay madaxweynayaasha Somaliland iyo Puntland ka gaws adaygeen laba qodob oo uu ula tagay.

Warku wuxuu sheegay in Madaxweynaha Puntland Mr. Gaas oo uu ku soo horeeyay uu ka diiday in dagaalka uu baajiyo, waxaanu ugu hanjabay inuu dagaal ku qaadi doono Somaliland haddii aanu Madaxweyne Biixi ciidamada Somaliland ka saarin Tukaraq, ka hor bisha barakaysan ee Ramadaan. Mr. Gaas ayaa u muuqda inuu ka dhabeeyay hanjabaadiisa ka dib markii ay ciidamada Puntland soo weerareen Somaliland 15 May oo ahayd laba maalmood ka hor Ramadaantii, waxaanu hadalkaas Mr. Keating u sheegay 12 May oo ay Garowe ku kulmeen.

War kalena wuxuu sheegay in Mr. Keating uu isku dayay inuu Madaxweyne Muuse Biixi Cabdi ku qanciyo inuu telefoon kula hadlo Madaxweynaha Puntland Mr. Gaas. Madaxweyne Muuse Biixi Cabdi ayaa la sheegay inuu ka gaws adaygay inuu telefoon kula hadlo Madaxweynaha Puntland.

Source: Geeska Afrika

152 Views




Features

  • Daawo:Tirada Dad Ugeeriyooday Xanuunka Gawracatada Oo Ka Dilaacay Gobolka Saraar Iyo Masuulinta Gobalkaasi Oo Ka Hadlay.
  • Daawo:Madaxweyne Biixi Oo Masuliyinta Gudida Qandaraasyada Qaranka Ku Tilmaamay Masuuliyin Ka Dhabeeyeen Himiladii Qaranku Lahaa.
  • Daawo:Khudbad Sanadeedkii Madaxweyne Muuse Biixi Ka Hor Jeediyey Golaha Baarlamaanka.
  • Madaxweyne Biixi Oo Maamulka Puntland Ku Eedeeyay Inay Ciidammo Falal Amni Darro Ah Wada Soo Geliyeen Gudaha Somaliland.
  • Daawo:Isuduwaha Wasaarada Caafimadka Togdheer Oo Sharaxay Muhiimada Uu Leeyahay Mashruuc Kor Loogu Qaadayo Caafimaadka Hooyada Iyo Dhalaanka Oo Burco Lagu Daah Furay.
  • Daawo:Barnaamij Koob Saday Waxqabadka Gudida Qandaraasyada Qaranka + Ganacsatada Oo Heshay Goob Ay Si-Cadaalada Ugu Tartamaan.
  • Hoggaamiye Xirsi Cali Xaaji Xasan Oo Si Adag U Dhaliilay Dhismaha Jidka Berbera Corridor Ee Dhawaan La Dhagax Dhigay.
  • Dawlada Kenya Oo U yeedhay Safiirkeedi Muqdisho, kuna Amartay Safiirka Somaliya Inuu Ka baxo Dalkeeda.
  • Saddex Masuul Oo Xilal Wasiirnimo Ka Soo Qabtay Xukuumadii Siilaanyo Oo Muqdisho Ka Degay.
  • Somaliland Oo Cadaysay Mawqifkeeda Ku Aadan Dawlaha UK iyo Ruushka Oo Doonaya Inay Saldhigyo Milatari Ka Samaystaan Berbera.
  • Shirkada Dp World Oo Ka Noqotay Heshiiskii Ay Ku Maalgelinaysay Dekedda Magaalada Berbera Iyo Itoobiya Oo Caqabad Ku Noqotay Somaliland.
  • Daawo:Siyaasi Ka Tirsan Kulmiye Oo Madaxweyne Biixi Ku Eedeyey Inuu Burburinayo Xisbiga Kulmiye Fashilyey-na Siro.
  • Dawladda Maraykanka Oo War Cusub Ka Soo Saarey Qadiyada Madaxbanaanida Somaliland.
  • Daawo:Wasiir Hinda Gaani Oo Si Kulul Uga Jawaabtay Hadlo Gudoomiyaha Xisbiga Ucid Ku Weeraray Xukumada.
  • Daawo:Siyaasi Tiir Dhexaad U Ahaa Xisbiga Waddani Oo Iscasilay Dhaliilana Ujeediyey Gudoomiye Ciro.
More FEATURES