Masuuliyiin Xilal Ka Haya Xukuumada Somaliland Oo Muujiyey Doorka Ay Ku Leeyihiin Xiisada Ka Taagan Ceel-Afweyn Kana Soo Muuqday Madal Dabka Loogu Sii Shidaayey Xiisadaasi.
Gebo Gebo News

June 5th, 2018
Masuuliyiin Xilal Ka Haya Xukuumada Somaliland Oo Muujiyey Doorka Ay Ku Leeyihiin Xiisada Ka Taagan Ceel-Afweyn Kana Soo Muuqday Madal Dabka Loogu Sii Shidaayey Xiisadaasi.

Ceerigaabo (Gebogebonews)-Beryihii U Danbeeyey Waxaa Somaliland Ka Taagna Dagaal Beelleedo Soo Noq-Noqday Oo Taag Iyo Maare Loo Waayey Taas Oo Labadii Sano Ee U Danbeeyey Ka Taagnayd Gobolka Sanaag gaar Ahaan Degmada Ceel-Afweyn.
 
Xukuumada Somaliland Ayaa Dadaalo Kala Duwan Ku Bixisay Daminta Dirirta Colaadeed Balse Ma Noqon Mid Midha Dhasha,Talaabo Kasta Iyo Go,aan Kasta Oo Laga Soo Saaro Colaada Ceel-Afweyna Wuxuu Noqday Hal Bacaad Lagu Lisay.
 
 
Hadaba Todobaadkii U Danbeeyey Waxaa Soo If-Baxay Arimo Naxdin Leh,Kuwaas Oo Shacabka Somaliland Kusii Abuuray Wer Wer Ay Ka Qabaan Inay Colaadaasi Sii Balaadhato Waxaana Cuqaasha Haldoorka Iyo Labeenta Beelaha Dagaalamaya Warbaahinta Isku Mariyeen Hadalo Xanaf Leh .
Sidoo Kale Waxa Hanjabaadahaasi Fashiliyeen Masuuliyiin Xilal Ka Haya Gobolka Sanaag Oo Iyagu Lug Ku Leh Dagaaladaasi, Maayirka Degmada Ceerigaabo Iyo Taliye Ku Xigeenka Ciidanka Policeka  Gobolka Sanaag  Boqor Maxamed Boqor Axmed Cali Ducaale Ayaa Maalintii Shalay Deegaanka Goof Kaga Qayb Galay Shir Beeleed Lagaga Hadlaayo Colaada Deegaamadaasi,Inkasta Oo Shirkani Ahayn Mid Waan-Waana Balse Ahaa Mid Dabka Loogu Sii Shidaayey Xiisada Dagaal Ee Ka Taagan Ceelafweyn 
Waxaana Sidoo Kale Shirkaasi Lagu Taageeraayey Kornel Caare Oo Ka Goostay Ciidanka Qaranka Somaliland Sidoo Kale Waxaa Shirkaasi,Lagu Aflagaadeeyey Masuuliyiin Ka Tirsan Xukuumada Somaliland Oo Hab Beeleed Loo Ataagay Kuwaas Oo Kala Ah  Gudoomiyaha Golaha Guurtida Saleebaan Maxamuud Aadan,Wasiirka Arimaha Gudaha Maxamed Kaahin Axmed Iyo Maxamuud Xaashi Cabdi Wasiirkii Hore Ee Madaxtooyada Somaliland.
Arintani Waxay Muujisay Halka Ay Colaada Ka Taagan Yihiin Labadan Masuul Ee Ka Tirsan Xukumada Ee Goobta Shirka Fadhiyey,Waxaana Muuqata Inay Taageero U Fidinayaan Beeshooda Maadama Oo Ay Ka Qayb Galeen Shirarkan Laga Arinsanaayey Dagaalka Ceelafweyn,
Goobtaasi Ay Fadhiyeen Taliye Ku Xigeenka Iyo Maayirku Waxaa Si Aan Gabasho Lahayn Loogu Taageeray Taliye Caare Iyaga Oo Ku Baaqay Xukuumadu Inay Faraha Kala Baxdo Soo Qabashada Taliye Caare Oo Isagu Ka Goostay Ciidanka Qaranka Somaliland.
 
Sidoo Kale Waxaa Xusid Mudan In Deegaanka Goof Ay Ku Sugan Yihiin Ku Dhowaad 500 Maleeshiyo Beeleeda Kuwaas Oo Ay Isku Hayb Yihiin Maayirka Iyo Taliye Ku Xigeenka Ciidan Beeleedkaas Oo Ku Dhuunta Agagaarka Deegaanka Ay Shirka Kaga Qayb Galeen.
 
Warar Xog-Ogaala Oo Aanu Helayno Ayaa Sheegaya In Colaada Ceel-Afweyn Ay Jiraan Siyaasiyiin Labada Beelood Kasoo Jeeda Oo Iyagu Aan Daacad Ka Ahayn Nabadaynta Isla Markaana La Safan Beelahooda Waxaana Xukuumada Somaliland La Gudboon Inay Gacan Bira Umada Kaga Qabato Rabshad Wadayaasha Qaranka U Adeegaya.
 
Cabdiraxmaan Maxamed Xasan
 Ceerigaabo Somaliland 
1053 Views




Features

  • Madaxweynaha Markaynka Donald Trump Oo Lagu Eedeeyey Inuu Maleegayo Qorshe Lagu Dilayo Madaxweyne Caan Ah.
  • Daawo:Gudida Qandaraasyada Qaraanka Oo Shaaciyay Shirkadaha Ku Guulaytay Tartan Loo Galay Mashaaric Laga Hirgelinaayo Gobolada Dalka.
  • ” Tacab Lama-gelin Caafimaadka Hadraawi ” Xaalada Caafimaad Ee Abaanka Caankaa Ee Hadraawi Oo Laga Dayriyey.
  • Daawo:Wasiir Hinda Gaani Oo Si Kulul Uga Jawaabtay Hadlo Gudoomiyaha Xisbiga Ucid Ku Weeraray Xukumada.
  • Daawo:Siyaasi Tiir Dhexaad U Ahaa Xisbiga Waddani Oo Iscasilay Dhaliilana Ujeediyey Gudoomiye Ciro.
  • Daawo: ” Madaxweynuhu Wuu Ku Fashilmay Shaqadii Loo DoortaySiyaasi Ramaax Oo Dhaliilo Ujeediyey Madaxweyne Muuse Biixi.
  • Daawo:Gudida Guud Ee Beelaha Habar-jeclo Oo Iclaamiyey  Shirweyne  + Goorta Iyo Goobta Shirku Ka Dhacayo.
  • FAALLO: Xukuumadii Dhuuni-Raac Ama Xukuumadii La-Dheefsado Dhankeeba La Saadaalin inay Dawlada Muuse Biixi Ku Danbayso.
  • Madaxweyne Biixi Oo Ku Gacansaydhay Qorshe Uu Ula Yimid Wasiir Maxamed Kaahin + Xiisad Car Iyo Wira Oo  Ka Taagan Madaxtooyada.
  • Qalbi Dhagax Oo Loo Qorsheeyey In Shirqool Lagu Dilo + Cidda Qorsheysay Iyo Qaabka Uu Uga Badbaaday.
  • Daawo:Ex Wasiir Cali Mareexan Oo Sikulul Ugu Jawaaabay Eedaymo Musuq-maasuq Oo Loo Soo Jeediyey.
  • “Ka Daalimayno Raadinta Xaquuqda Burco” Xildhibaan Ka Tirsan Golaha Deeganka Burco Oo Maayir Muraad Ku Taageeray Hadaladii Uu Ku Weeraray Xukumada.
  • Daawo:Gudoomiyaha Gobalka Maroodi-jeex Jaamac Xaaji Axmed Oo Deeq Xoola Udiray Ergada Ceel-Afweyn Ugu Sugan Nabadaynta.
  • Nuxurka Qodobada Lagaga Wada Hadlay Kulan Dhexmaray Madax-dhaqameedka Beelaha Bariga Burco Iyo Galbeedka Burco.
  • Qaramada Midoobay Oo Ka Jawaabtay Warqadii Dacwada Ahayd Ee Madaxweynaha Somaliland U Diray Xoghayaha Guud Ee Qaramada Midoobay.
More FEATURES