Maansada Aminley Qalinkii Faarax cali Axmed.
Gebo Gebo News

June 21st, 2018
Maansada Aminley Qalinkii Faarax cali Axmed.

Ma waraabe amiira
Adhiguu xukumaayay
Ku eeddeyay barruurtiyo
Orgobaa talinaaya ?
Amankaag iyo yaab dhe !
Midh kalaan arkayaaye ,
Nimaad aamin ka qaadey
Misna qaatey afjeexo
Bir mageydo aqoonin ,
Hadaad moodo islaam
Iimaan baanad lahayn,
Ama eelka adaa loo
Ujeedaad wadataa,
Dadkuna maaha agnaane
Kaa ildheer badan koodu.
Ninkii Ey yar rabaystaa
Hadii ay ka aguugto,
Illaaluu u noqdaayoo
Hilbaha yaala agtiisa
Wuu amaan geliyaa,
Saaxiibkiisa abaadey
Urtuunbaa ka kaxaysa !
Adigaa ubadkaaga
Uggubaay liqliqaaya .
Oosha meel wada taalla
Markii aad kala awrtey,
Abqudhaa ka dhaxeeyaye
Bartey Aayo fogeeysta,
Iney aaddun dhaleysiyo
Sow oggaalku ma haynin ?
Adinkaa dhigimaayo
Misna waan ordayaa,
Insi baanad ahayn,
Ama aallado gaaliyo
Waxaad fuushey alleelo
Albaqraan lagu saarin !!!
Markey aayaha joogte
La dhegeysto arraahda,
Waxaan meeshaba ool iyo
Asqaad qaybineysaaye,
Sow aqoon yaridaadu
Aamus May garan waayin ?
Dhibta taal arligeena
Markaad tey ka abuurey,
Amni kuu diran maayo
Waxba hay odayaynine
Abahdeydan dhegeyso ,
Waxay gaadhey eddaa
Inta ruuxa la eego
Ashaa waad bogateen ,
Waa ayaanba ayaan
Hidler Bay ka idlaatey
Meeluu joogo aduunka
Allaankaa la aqoonin ,
Ibtilaa ku ruxeysa
Oofwareen iyo ciil
Waxaad beertey uhuu .
Mas alloolka ku laaqanba
Isha wiil yari saarey ,
Markaasu yidhi aabo
Aburbaa rugta jiifa ,
Illen waa odawaaye
Ortii muu sholdha, aysan,
Ilduufkaa waxa keeney
Waraabii lax abeera
Oodda sow kala boodey ,
Eryo neefkan badbaadi
Ubadkii ku illoobey,
Tu yaroo adhi raaciyo
Islaantii la qanniin,
Markuu oogu dillaacey
Maska waa la ogaayo,
Xalluu sheegey ibraahin ,
Arxan baanad lahayniyo ,
Waad illaaq badantiine ,
Dayac laysku afdhaafyay,
Amakaag iyo yaab dhe ,
Tu kalaan arkayaaye
Shaley kaad arki weydey
Inuu maanta ku eego
Udud weydnimo weeye ,
Abaal waa dhigtaaye
Hal ninkii ku amaahshey
Amintuu ku yidhaahdo
Halla yaabin isiida,
Is-afuufkiyo maagu
Dhaxal maaha awoowe ,
Dadku waa umal miidhan .
Cokan oomanta raaciyo,
Aroor ceel kasta taagan ,
Ayaxbaa ku gedaaman
Mid abaartiyo dooga
Afka qaadi aqoonin ,
Uur- tablow weligaaba
Waxaad yeeshey ollakac ,
Indhahoo ku arkaaya
Ina ma,is odhan Weyden
Wey ogaan karayaan .
Yixaasow ilmadaada
Afkan aad kala waaxdey
Ilkahaagiyo feenka
Shinbiraan ilbaxayne
Waad ku aabudhataa ,
Midse goyn ajashaaduna
Iyagey ku jirtaayoo
Dalqadaa alwanaysee
Carab haysan illaasha
Irbad baa mudi doonta !!!
Midaan aayar aqoon
Aminley la yidhaahdo,
Dadkana kii wax inkaare
Eebadaadu ku tiiley
Illaah buu baryayaa
Isna waa la ajiibi
Koley gaadho arroorta
Abaal baad heleysaa….

Qalinkii Faarax cali Axmed

164 Views




Features

  • Xukumadda Somaliland Oo Ka Hadashay Khilaafka Diblomaasiyadeed Ee Soomaaliya Iyo Kenya
  • Daawo:Beel Sida Fiinta Uga Qaylisay Ciidammo Hubaysan Oo Wasiirka Arrimaha Gudaha Somaliland Geliyey, Madaxweyne Biixi-na Farriin U Diray
  • Sidee Ayay Dalalka ula Dhaqmaan Dadka Ka Soo Goosta Daacish?
  • Daawo:Badhasaabka Gobalka Maroodijeex Oo Maanta  Hargeysa Ka Ambabixiyay 431 Arday Ee Ku Guulaystay Barnamijka  Shaqo Qaran.
  • Daawo:Xukuumada Somaliland Oo Si Adag Ugu Jawaabtay Hadlo ka Soo yeedhay Madaxwaynaha Maamul Gobaleedka Puntilnad.
  • Daawo:Madaxwaynaha Somaliland Muuse Biixi Cabdi Oo Socod Lug Ah Kaga Baxay Madaxtooyada Somaliland +Halka Uu Ku Sii Jeedo
  • Shaqaalihii Dawladda Oo Mushaharkii Laga Handaraabay Iyo Xukuumadda Oo Tahlikari weydey Bixinta  Mushaharaadkii.
  • Saddex Shuruudood Oo Dawlada Kenya Ku Xidhay Soo Celinta Xidhiidhka Soomaaliya
  • Daawo “Udul Qaadan Mayno Inay Caayan Madaxweyaheena Muuse Biixi   Kurayda Yar Yar Ee Beenta Iyo Cayda Lagusoo Dalacsiiyay Ee Xibiga Wadani
  • Wasiir Faratoon Oo Ka Hadlay Xoggo ku Saabsan In Dawladda Ruushku Saldhig Millatari Ka Samaysanayso Xeebaha Somaliland.
  • Daawo:Gudoomiyaha Degmada Qoryaale Oo Ka Hadlay Xaalad Biyo La’aaned Oo Ka Jirta Degmadaasi.
  • Daawo:Maamulka Gobolka Togdheer Oo Magaalada BURCO Ka Ambabixiyey Ardayda Ku Guulaysatay Barnaamijka Shaqo Qaran.
  • Daawo:Ex Madaxweyne Silaanyo Oo Maanta Si Diiran Loogu Soo Dhaweeyey Dalka.
  • Somaliland Oo Jawaab Kulul Ka Bixisay Hadal Ka Soo Yeedhay Wasiir Ka Tirsan Xukuumada Somaliya.
  • Xaaladda Ay Ku Sugan Yihiin 4 Kamid Ah Maal-Qabeenadii Sucudiga Ahaa Ee Loo Xidhay Musuq Maasuqa.
More FEATURES