Oof wareenka Siyaasadda, Qormadii 4 aad… HusseinLucky Mohamed
Gebo Gebo News

October 25th, 2019
Oof wareenka Siyaasadda, Qormadii 4 aad… HusseinLucky Mohamed

Xisbiga KULMIYE oo ah mid 60% ku tiirsan isbahaysiga siyasadeed ee Beelaha H/Awal iyo H/Jeclo ee Jeegaanta loogu yeedho, iyo 40% Taageerada Beelaha kale ee Somaliland, ayaa habka loo doorto hogaanka sare (Gudoomiyaha iyoMusharaxa Madaxweynenimo) ee xisbigu uu yahay mid kaltan hagbadaysan ku dhisan oo labadan beelood dhex yaala, balse, aan fursad siyaasi ah oo ay nasiibkooda ku tijaabiyaan u haynin siyaasiyiinta damaca leh ee xisbiga ka tirsan, kana soo jeeda beelaha kale ee Xisbiga taageera, kuwaasoo, taageeradooda la’aanteed aan xisbigu guulaysteen, ma cadda tani inay tahay mid lagu saydareeyay siyaasad ahaan Siyaasiyiinta kazoo jeeda beelaha kale, iyo inay tahay fursad iyagu ay bixiyeen, oo aanay la iman damaca iyo hanka musharaxnimo, inagoo ogsoon, in dabciga bashariga ah ee mulkiga kursigu ahayn wax si fudud hadyad laysugu siiyo, ee ay tahay wax saymo dhexdood iyo dhudhubo shareeran guntood lagala soo dhex baxo, mararka qaarna ay wiil iyo aabihii isku galaaftaan.

Si kastaba ha ahaatee, Haddaynu in yar dib u milicsano taariikhda hogaanka xisbiga, Aasaasihii Xisbiga KULMIYE, Mr. Axmed Siilaanyo oo kazoo jeeday beesha H/Jeclo, guushiisii doorashada Madaxweynanimo ee sanadkii 2010 kadib, wuxuu muddo labo bilood gudahood ah Gudoomiyanimadii Xisbiga ku wareejiyay Madaxweynaha JSL haatan, Mr, Muuse Biixi Cabdi oo kazoo jeeda Beesha H/Awal, welina ah Gudoomiyaha Xisbiga KULMIYE, wareejintaas oo ku salaysnayd heshiis labada masuul horey ugu dhexmaray magaaladda Burco sanadkii 2009 kii intii uu socday Shirkii Golaha Dhexe ee Xisbiga KULMIYE. Sanadkii 2015-kiina wuaxaa madaxweyne Ahmed Siilaanyo ku dhawaaqay inuu ka tanaasulay inuu musharax noqdo mar kale, laakiin, taas bedelkeedi, wuxuu , si canka-mud ah, oo aan rabitaanka xisbiga waafaqsanayn ugu caleema-saaray Musharaxa Madaxweyne ee Xisbiga, Mr. Muuse Biixi Cabdi oo markaas ahaa Gudoomiyihii Xisbiga, sidaasna uu markii danbe ku noqday Madaxeynaha JSL ee waqtigan.

Dhinaca kalena , waxay arintani keentay dildilaacii ugu cuslaa ee abid soo mara taariikhda Siyaasadeed ee xisbiga KULMIYE intuu jiray, iyadoo ay xisbiga iyo golihii Xukuumaddaba iskaga dareereen rag beryaha qaar biyo-culusta u fadhiyi jiray talada Kulmiye iyo tan xukuumadaba, una abuurtay fursad-siyaasadeed naadir ahayd kuwo dayra-dhaafka siyaasadeed in badan dibad-yaal u ahaa, oo uu madaxweynaha maanta joogaa kow ka ahaa, Kuwaasoo maalmaha nabsiga, ee samirka weheshaday u saamaxeen inay gurada u galaan Qasri talada kasoo baxdaa ay in badan qamuunyo iyo Ciil siyaasadeed ku habtay dareenkooda beryaha qaar, kuna sigtay in saymihii siyaasadeed ee maalmaha qaar la mallkiyay ay istarook noloshooda wehel uga dhigto, taasoo weli aan ka go’in maankooda iyo quluubtooda iyagoo xataa guulaystay dhibaabo dabadeed.

Dharaaro dabadood, Hilaada iyo odoroska Siyaasada,waxaa la filayaa in Madaxweyne Biixi uu iska wareejiyo xilka Gudoomiyanaimada xisbiga marka la gaadho shir-weynaha Xisbiga ee la filayo inuu qabsoomo sanadka 2020, waxaana durbaba bilowday hardan u dhaxeeya Arbayaasha Siyaasada ee kasoo jeeda Beesha H/jeco, oo iyadu u aragta inay hagbadu markeedii tahay, aragtidan oo ah mid baal marsan shuruucda iyo mabaadii’da xisbiga u yaala, loojigana aan sax ku ahayn marka laga hadlayo xisbi qaran oo sharciyadda qaran ku dhisan, lagana metelo deegaano kala gedisan, arabayaashan waxaa ugu tun weyn labada Siyaasi ee kala ah……….la soco Qormada 5aad…….

45 Views




Features

  • Daawo:Taliyaha Ciidamada Boliska Somaliland Oo Sheegay Inay Ilaalada Gudoomiye Cirro Toogteen Askari Boolis  Ah.
  • Daawo:Masuuliyinta Xisbiga Wadani Ee Togdheer Oo Taageero Umuujiyey Banaan-baxa Gudoomiyaha Xisbiga Wadaani Ugu Baaqay Taageerasha Xisbigaasi Ee Gobolda Dalka.
  • Daawo:“ Kaligii Talisku Ha Dhaco, Digtaytar Yeeli Mayno, Xorriyad Ayay U Dagaalamaynaa Oo Aynu U Dhimanaynaa ” Gudoomiye Cirro.
  • Daawo:Faysal Cali Waraabe Oo Ka Hadlay Xadhiga Madaxda Xisbiga WADDANI Iyo Nuxurka Uu Xalay La Yeeshay Madaxweyne Biixi.
  • Ciidamada Booliska Somaliland Oo Xabsiga Utaxaabay Afhayeenkii Iyo Xoghayihii Guud Ee Xisbiga WADDANI.
  • Ciidammo La Wareegay Xarunta Guud Ee Xisbiga WADDANI + Afayeenka Xisbiga Waddani Oo Ka Hadlay.
  • “Baad ku Bixin Mayno Nabad galyada Awdal,Dhimasho Iyo Dhiig Ayaa Laga War-Wareegayaa ” Saylici Oo Hadal Kulul Ka Jeediyey Boorama.
  • Daawo:Isuduwaha Wasaarada Caafimadka Togdheer Oo Sharaxay Muhiimada Uu Leeyahay Mashruuc Kor Loogu Qaadayo Caafimaadka Hooyada Iyo Dhalaanka Oo Burco Lagu Daah Furay.
  • Daawo:Barnaamij Koob Saday Waxqabadka Gudida Qandaraasyada Qaranka + Ganacsatada Oo Heshay Goob Ay Si-Cadaalada Ugu Tartamaan.
  • Hoggaamiye Xirsi Cali Xaaji Xasan Oo Si Adag U Dhaliilay Dhismaha Jidka Berbera Corridor Ee Dhawaan La Dhagax Dhigay.
  • Dawlada Kenya Oo U yeedhay Safiirkeedi Muqdisho, kuna Amartay Safiirka Somaliya Inuu Ka baxo Dalkeeda.
  • Saddex Masuul Oo Xilal Wasiirnimo Ka Soo Qabtay Xukuumadii Siilaanyo Oo Muqdisho Ka Degay.
  • Somaliland Oo Cadaysay Mawqifkeeda Ku Aadan Dawlaha UK iyo Ruushka Oo Doonaya Inay Saldhigyo Milatari Ka Samaystaan Berbera.
  • Shirkada Dp World Oo Ka Noqotay Heshiiskii Ay Ku Maalgelinaysay Dekedda Magaalada Berbera Iyo Itoobiya Oo Caqabad Ku Noqotay Somaliland.
  • Daawo:Siyaasi Ka Tirsan Kulmiye Oo Madaxweyne Biixi Ku Eedeyey Inuu Burburinayo Xisbiga Kulmiye Fashilyey-na Siro.
More FEATURES