Madaxweyne Muuse Biixi Iyo Weftigii Uu Hoggaaminayey Oo Soo Dhaweyn Ballaadhan Loogu Sameeyey gobolka Daad-madheedh iyo Deegaanno ku Teedsan
Gebo Gebo News

October 21st, 2020
Madaxweyne Muuse Biixi Iyo Weftigii Uu Hoggaaminayey Oo Soo Dhaweyn Ballaadhan Loogu Sameeyey gobolka Daad-madheedh iyo Deegaanno ku Teedsan

Oodweyne(Gebogebonews)-Madaxweynaha Jamhuuriyadda Somaliland, Mudane Muuse Biixi Cabdi iyo weftigii uu hoggaaminayey oo maalmahanba safarro shaqo ku marayey qaar kamid gobollada dalka, ayaa maanta si ballaadhan loogu soo dhaweeyey magaalada Oodweyne ee xarunta gobolka Daad-madheedh.

 

 

Madaxweynaha iyo weftigiisa oo saaka kasoo kicitimay magaalada Burco, ayaa ka hor intii aanay gaadhin magaalada Oodweyne waxa lagu soo dhaweeyey deegaannada Ceel-bilcille iyo Ceel-same oo u dhexeeya Burco iyo Oodweyne, waxana shacabka deegaannadaasi ay madaxweynaha iyo xubnaha weftigiisa ku qaabileen caleemo qoyan iyo calanka Jamhuuriyadda Somaliland.

 

 

 

Qaybaha kala duwan ee shacabka ku dhaqan magaalada Oodweyne ee xarunta gobolka Daad-madheedh oo ay hormuud u yihiin maamulka degmada, waayeelka, waxgaradka, madax-dhaqameedka iyo haweenka, islamarkaana wegen fardo ahi hoggaaminayaan, ayaa madaxweynaha iyo weftigiisa kaga hortegay waddada weyn ee dhinaca Bari uga baxda magaalada Oodweyne, waxana iyaga oo lulaya calanka Jamhuuriyadda Somaliland iyo caleemo qoyan ay madaxweynaha iyo weftigiisa u galbiyeen xarunta cusub ee Baanka dhexe ku leeyahay Oodweyne.

 

 

 

 

Madaxweynaha iyo weftigiisa, ayaa socod lug ah la qaatay shacabkii soo dhaweeyey, iyaga oo barxadda weyn ee dhismaha cusub ee Baanka dhexe halkaas ka binaystay kala hadlay bulshadii soo dhaweysay oo ay ka muuqatay xammaasad, waddaniyad iyo jacayl ay u qabaan madaxweynahooda.

 

 

 

 

Ugu horrayn waxa shacabkii soo dhaweeyey madaxweynaha iyo weftigiisa la hadlay maayarka magaalada Oodweyne, Mudane Cabdixakiin Nuur Muuse iyo badhasaabka gobolka Oodweyne, Mudane, Nuur Cismaan Guuleed, waxana ay uga mahadnaqeen sida waddaniyadda leh ee ay madaxweynaha iyo weftigiisa usoo dhaweeyeen, iyaga oo madaxweynahana uga mahadnaqay sida uu isaga xil-saaray inay Oodweyne hesho mashaariic waaweyn oo ay xukuumaddu u qorshaysay.
Suldaan Cabdiraxmaan Aw Good oo kamid ah salaadiinta waaweyn ee kasoo jeedda gobolka Daad-madheedh oo la hadlay shacabkii madaxweynaha soo dhaweeyey, ayaa mahadnaq kaddib shacabka reer Daad-madheedh ugu baaqay inay taageero iyo gacanba siiyaan mashaariicda waaweyn ee xukuumaddu ka waddo guud ahaan gobolka.

 

 

 

 

Wasiirrada wasaaradaha Xannaanada xoolaha iyo horumarinta kalluumaysiga, Mudane Siciid Sulub Maxamed, Qorshaynta iyo horumarinta qaranka, Mudane Xasan Maxamed Cali (Gaafaadhi), deegaanka iyo horumarinta reer miyiga, Marwo Shugri Xaaji Ismaaciil Baandarre iyo guddoomiyaha Baanka Dhexe, Mudane Cali Ibraahim Jaamac (Baqdaadi) oo iyaguna hadallada u kala dambeeyey, ayaa si guud ugu mahadnaqay bulshada ku dhaqan gobolka Daad-madheedh, waxana ay hoosta ka xarriiqeen inay xukuumadda ka go’an tahay in gobolka laga fuliyo mashaariic Aayo-tiin leh oo mustaqbalka la intifaacsado.

 

 

 

 

Madaxweynaha Jamhuuriyadda Somaliland, Mudane Muuse Biixi Cabdi oo khudbad dheer u jeediyey bulshada reer Oodweyne, ayaa ka mahadceliyey soo dhaweynta diirran ee ay u sameeyeen madaxweynaha iyo weftiga heer qaran ee uu hoggaaminayo, waxana uu xusay soo dhaweyntaasi tahay farriin waddaniyadeed oo muujinaysa sida ay ugu heellan yihiin midnimada iyo horumarka dalka ka socda, waxana isaga oo arrimahaas ka hadlaya uu yidhi,“Waxa aad diraysaan farriin qarannimo, mid nabadeed, mid walaalnimo oo aad qaranka oo dhan u diraysaan, maadaama oo aannu nahay wefti heer qaran ahna farriintiinnaas, niyad-wanaaggaas iyo horumarkaas waannu gaadhsiinaynaa, qarankuna wuu idiinka mahadnaqayaa.”

 

 

 

Madaxweynuhu waxa uu shacabka la wadaagay isteraatiijiyadda iyo taariikhda faca-weyn ee magaalada Oodweyne leedahay, isaga oo sheegay inay tahay goob muhiimad gaar ah ugu fadhida qaranka, “Oodweyne waxa ay ahayd meel taariikhda Somaliland fac-weyn ku leh, haddii taariikhdii hore ee Somaliland la eegona meel dad taliya oo dadka wax tara oo magac leh Ilaahay ku abuuray taariikho badanna usoo joogtay,” ayuu yidhi madaxweyne Muuse Biixi Cabdi.

 

 

 

Ugu dambayntii madaxweynaha Jamhuuriyadda Somaliland, Mudane Muuse Biixi Cabdi waxa uu xadhigga ka jaray Dhisme laba dabaq ah oo loo bineeyey laanta Baanka dhexe ee Somaliland ku leeyahay magaalada Oodweyne, taas oo wax weyn ka taraysa bilicda iyo dakhliga magaalada.

 

 

 

 

 

 

 

Image may contain: 21 people, crowd and outdoor

 

Image may contain: 4 people, people standing

Image may contain: 3 people, crowd, sky and outdoor

Image may contain: one or more people, people standing, crowd and outdoor

Image may contain: one or more people, crowd and outdoor

Image may contain: 7 people, people standing, crowd and outdoor

Image may contain: 7 people, crowd

Image may contain: 21 people, crowd and outdoor

Image may contain: text

Image may contain: one or more people, people standing, crowd and outdoor

Image may contain: 3 people, people standing

Image may contain: 5 people, people standing and outdoor

Image may contain: 1 person, standing, crowd and outdoor




Features

  • Diiwaan gelinta Codbixiyeyaasha Doorashooyinka Oo Saaka Ka bilaabmay Dalka Iyo Duruufaha Ku Xeeran
  • Soomaalida Itoobiya Iyaga Xaaladdoodu Waa Ninkii Hooyaday Guursadaba Waa Adeerkay W/Q Cabdiraxmaan Cadami
  • Dibadbax Lagaga soo Horjeedo Xayiraada Covid 19 Oo London ka Dhacayhttps://www.youtube.com/watch?v=xHe4t7PBmdg&feature=emb_title
  • TPLF Iyo Xukumadda Abiy Oo Somaliland Tusaale Ka Dhigtay
  • Dilaagii Muqdisho – Macallin Ilkacase Iyo Xubno Kale Oo Lagu Fuliyey Dil Toogasho
  • Maamulka iyo madaxda sare ee iskuulka orbit inretnational college ayaa xaflad u qabtay arday kaqalin jabisay
  • Maxamuud Xaashi Oo Eedaymo U Jeediyay Madaxweyne Biixi, Kana Hadlay Hankiisa Musharaxnimada Guddoomiyenimada KULMIYE.
  • Daawo:Maayirka Burco Maxamed Muraad Oo Hoga Tusaaleeyey Sooyalka Taarikhed Ee Magalada Burco Naanayso Cusub-na Bixiyey.
  • Shacabka Burco Oo Ku Guulaystay Inay Iska Dulqaadan Dulmigii Iyo Tacadigii Ay Ku Haysay Shirkada Laydhka Ee HECO.
  • Jiif Caaqilka Guud Ee Beesha Muuse Abokor Oo Madaxweyne Muuse Biixi Ugu Goodiyay Dagaal, Wasiir Maxamed Kaahina Ku Sheegay Ninaan Kalsooni Ka Haysan Beesha Uu Ka Soo Jeedo.
  • Daawo:Isuduwaha Wasaarada Caafimadka Togdheer Oo Sharaxay Muhiimada Uu Leeyahay Mashruuc Kor Loogu Qaadayo Caafimaadka Hooyada Iyo Dhalaanka Oo Burco Lagu Daah Furay.
  • Daawo:Barnaamij Koob Saday Waxqabadka Gudida Qandaraasyada Qaranka + Ganacsatada Oo Heshay Goob Ay Si-Cadaalada Ugu Tartamaan.
  • Hoggaamiye Xirsi Cali Xaaji Xasan Oo Si Adag U Dhaliilay Dhismaha Jidka Berbera Corridor Ee Dhawaan La Dhagax Dhigay.
  • Dawlada Kenya Oo U yeedhay Safiirkeedi Muqdisho, kuna Amartay Safiirka Somaliya Inuu Ka baxo Dalkeeda.
  • Saddex Masuul Oo Xilal Wasiirnimo Ka Soo Qabtay Xukuumadii Siilaanyo Oo Muqdisho Ka Degay.
More FEATURES