Xasan Cali Kheyre Oo Raalli-gelin Ka Bixiyay Dhibkii Ka Dhacay Guriga Cabdiraxmaan Cabdishakuur Warsame.
Gebo Gebo News

November 21st, 2020
Xasan Cali Kheyre Oo Raalli-gelin Ka Bixiyay Dhibkii Ka Dhacay Guriga Cabdiraxmaan Cabdishakuur Warsame.

Raysal Wasaarihii hore ee Soomaaliya Xasan Cali Kheyre ayaa xalay Magaalada Muqdisho kulan kula qaatay Siyaasiga Cabdiraxmaan Cabdishakuur Warsame ahna hoggaamiyaha Xisbiga Wadajir.

Kulanka oo saacado qaatay ayaa waxaa diirada lagu saaray sidii xal buuxa looga gaadhi lahaa xaaladdii siyaasadeed ee ka dhalatay weerarkii dowladda Federaalka ku qaaday Guriga Cabdiraxmaan CabdiShakuur dhammaandkii sannadka 2017-kii, kaasi oo geystay khasaaro kala duwan.

Xasan Cali Kheyre oo kulanka kadib Qoraal soo saaray ayuu si Cad ugu shaaciyay inuu raali-gelin buuxa uu Cabdiraxmaan Cabdishakuur Warsame ka siiyay weerarkii khasaaraha geystay ee lagu qaaday Gurigiisa, isla markaana ay si dhab ah uga wada hadleen arrintaas.

“Waxaan hoygiisa ku soo booqday hogaamiyaha xisbiga wadajir, ahna musharrax madaxwayne ee jamhuuriyada federaalka Soomaaliya, Mudane Cabdiraxman cabdishakuur Warsame, halkaas oo aan si walaaltinnimo ku dheehantahay isugu soo qalbi xaadhannay. Waxaanan ka raalli galiyay dhibkii 17kii December 2017 isaga iyo ilaaladiisa kasoo gaadhay dhacdadii ka dhacday hoygiisa” ayuu yidhi RW hore Kheyre.

Dhinaca kale Cabdiraxmaan Cabdishakuur ayaa ka hadlay raali-gelintii uu siiyay Ra’iisul Wasaarihii hore ee Soomaaliya, wuxuuna Mas’uuliyiinta kale ee dowladda Federaalka ee ku lug lagaa weerarkii lagu qaaday u sheegay in weli ay u furan tahay raali-gelin.

“Waxaa xarunta Xisbiga Wadajir nagu soo booqday Raysalwasaarihii hore ee Soomaaliya, ahna musharrax madaxweyne Md Xasan Cali Kheyre. Kheyre wuxuu cudurdaar iyo raalli gelin ka bixiyey weerarkii 17-kii Dec 2017. Waxaan ugu baaqaynaa masuuliyiinta kale ee dowladda ee weerarka ku lug lahaa in ay fursaddan oo kale weli u furan tahay” ayuu yidhi Cabdiraxmaan Cabdishakuur oo Qoraal soo saaray.

Kulankaas raalin-gelinta ayaa waxaa ka qeyb galay siyaasiyiin uu kamid yahay Senator Cabdi Axmed Dhuxulow, Madaxweynihii hore ee Maamulka Koonfur Galbeed Soomaaliya Shariif Xasan Sh Aadan iyo siyaasiyiin kale oo dhowr ah.




Features

  • Maxamuud Xaashi Oo Eedaymo U Jeediyay Madaxweyne Biixi, Kana Hadlay Hankiisa Musharaxnimada Guddoomiyenimada KULMIYE.
  • Daawo:Maayirka Burco Maxamed Muraad Oo Hoga Tusaaleeyey Sooyalka Taarikhed Ee Magalada Burco Naanayso Cusub-na Bixiyey.
  • Shacabka Burco Oo Ku Guulaystay Inay Iska Dulqaadan Dulmigii Iyo Tacadigii Ay Ku Haysay Shirkada Laydhka Ee HECO.
  • Jiif Caaqilka Guud Ee Beesha Muuse Abokor Oo Madaxweyne Muuse Biixi Ugu Goodiyay Dagaal, Wasiir Maxamed Kaahina Ku Sheegay Ninaan Kalsooni Ka Haysan Beesha Uu Ka Soo Jeedo.
  • Daawo:Isuduwaha Wasaarada Caafimadka Togdheer Oo Sharaxay Muhiimada Uu Leeyahay Mashruuc Kor Loogu Qaadayo Caafimaadka Hooyada Iyo Dhalaanka Oo Burco Lagu Daah Furay.
  • Daawo:Barnaamij Koob Saday Waxqabadka Gudida Qandaraasyada Qaranka + Ganacsatada Oo Heshay Goob Ay Si-Cadaalada Ugu Tartamaan.
  • Hoggaamiye Xirsi Cali Xaaji Xasan Oo Si Adag U Dhaliilay Dhismaha Jidka Berbera Corridor Ee Dhawaan La Dhagax Dhigay.
  • Dawlada Kenya Oo U yeedhay Safiirkeedi Muqdisho, kuna Amartay Safiirka Somaliya Inuu Ka baxo Dalkeeda.
  • Saddex Masuul Oo Xilal Wasiirnimo Ka Soo Qabtay Xukuumadii Siilaanyo Oo Muqdisho Ka Degay.
  • Somaliland Oo Cadaysay Mawqifkeeda Ku Aadan Dawlaha UK iyo Ruushka Oo Doonaya Inay Saldhigyo Milatari Ka Samaystaan Berbera.
  • Shirkada Dp World Oo Ka Noqotay Heshiiskii Ay Ku Maalgelinaysay Dekedda Magaalada Berbera Iyo Itoobiya Oo Caqabad Ku Noqotay Somaliland.
  • Daawo:Siyaasi Ka Tirsan Kulmiye Oo Madaxweyne Biixi Ku Eedeyey Inuu Burburinayo Xisbiga Kulmiye Fashilyey-na Siro.
  • Dawladda Maraykanka Oo War Cusub Ka Soo Saarey Qadiyada Madaxbanaanida Somaliland.
  • Daawo:Wasiir Hinda Gaani Oo Si Kulul Uga Jawaabtay Hadlo Gudoomiyaha Xisbiga Ucid Ku Weeraray Xukumada.
  • Daawo:Siyaasi Tiir Dhexaad U Ahaa Xisbiga Waddani Oo Iscasilay Dhaliilana Ujeediyey Gudoomiye Ciro.
More FEATURES